ԻՆՏԵՐՏՈՏՈՅԻ ԳԱՎԱԹԻ ՄՐՑԱՇԱՐԸ ԿՄԵԿՆԱՐԿԻ ՀՈՒՆԻՍԻ 20-ԻՆ
06-04-2004 20:24:00 | Հայաստան | Սպորտ
ԵՐԵՎԱՆ, 6 ԱՊՐԻԼԻ, ՆՈՅՅԱՆ ՏԱՊԱՆ: Հունիսի 20-ին կմեկնարկի
Ինտերտոտոյի գավաթի խաղարկությունը: Ապրիլի 5-ին ՈՒԵՖԱ-ի
շտաբ-բնակարան Նիոնում կայացավ այդ մրցաշարի վիճակահանությունը:
Այս մրցաշարը բաղկացած է հինգ փուլից, որոնցից յուրաքանչյուրում
մասնակից թիմերը կմրցեն երկու անգամ: Մրցակարգի համաձայն` երկու
խաղերի արդյունքով պարտվող թիմերը դուրս կմնան հետագա պայքարից:
Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի
ֆեդերացիայի Մամուլի քարտուղարությունից, վիճակահանության
արդյունքներով Հայաստանի թիմը կմրցի Սլովակիան ներկայացնող առաջին
թիմի հետ: Այդ զույգի հաղթողն` իր հերթին, երկրորդ փուլում կմրցի
Չեխիան ներկայացնող առաջին թիմի հետ: