ԵՐԵՎԱՆ, 5 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 5-ին մեկնարկեց
ֆուտզալի Հայաստանի կանանց ու աղջիկների անդրանիկ առաջնությունը:
Կանանց առաջնությանը 4 թիմ է մասնակցում: Դրանք են «Քոլեջ-1»,
«Քոլեջ-2», «Քոլեջ-4» եւ «Բակունց» թիմերը: Աղջիկների
առաջնությունում հանդես կգա 6 թիմ` «Քոլեջ-3», «Ավան-1», «Ավան-2»,
«Մալաթիա-1», «Մալաթիա-2» եւ «Փյունիկ»: Բոլոր թիմերն էլ
ներկայացնում են Երեւանը:
Թե' կանանց, թե' աղջիկների առաջնությունները կանցկացվեն
շրջանային խաղակարգով, մեկ շրջանով: Երկու մրցաշարերում էլ
Հայաստանի չեմպիոնները եւ 2-րդ ու 3-րդ մրցանակակիրները կորոշվեն
ապրիլի 9-ին: