ՖՈՒՏԲՈԼԻ ԳԱՎԱԹԻ ԿԻՍԱԵԶՐԱՎԱԿԻՉԻ ԱՌԱՋԻՆ ՀԱՆԴԻՊՈՒՄՆԵՐՆ ԸՆԹԱՑԱՆ
ԼԱՐՎԱԾ ՄՐՑԱՊԱՅՔԱՐՈՒՄ
05-04-2004 19:36:00 | Հայաստան | Սպորտ
ԵՐԵՎԱՆ, 5 ԱՊՐԻԼԻ, ՆՈՅՅԱՆ ՏԱՊԱՆ: Անցկացվեցին Հայաստանի
ֆուտբոլի գավաթի խաղարկության կիսաեզրափակիչ փուլի 1-ին
հանդիպումները, որոնք ընթացան գավաթային խաղերին բնորոշ լարված
մրցապայքարում:
Հանդիպումներից մեկում Հայաստանի չեմպիոն Երեւանի «Փյունիկը»
հյուրընկալել էր ներկայիս գավաթակիր Աշտարակի «Միկային»: Թեեւ խաղն
անցավ «Փյունիկի» նկատելի առավելությամբ, սակայն նրա
ֆուտբոլիստները այդպես էլ չկարողացան իրացնել նպաստավոր գոլային
պահերը:
Մյուս խաղը կայացավ Գյումրիում, որտեղ «Շիրակը» ընդունել էր
Երեւանի «Բանանցին»: Հանդիպման 1-ին կեսն ավարտվեց 0-0 հաշվով:
2-րդում «Շիրակը», օգտվելով թվային գերազանցությունից (խաղադաշտից
հեռացվել էր «Բանանցի» պաշտպաններից մեկը), կարողացավ 2-0 հաշվով
պարտության մատնել մրցակցին:
Գավաթի խաղարկության կիսաեզրափակիչ փուլի պատասխան
հանդիպումները կանցկացվեն ապրիլի 21-ին: