ՀԱՅ ՇԱԽՄԱՏԻՍՏՈՒՀԻՆԵՐԸ ԱՆՀԱՋՈՂ ՀԱՆԴԵՍ ԵԿԱՆ ԵՎՐՈՊԱՅԻ
ԱՆՀԱՏԱԿԱՆ ԱՌԱՋՆՈՒԹՅՈՒՆՈՒՄ
05-04-2004 19:30:00 | Հայաստան | Սպորտ
ԵՐԵՎԱՆ, 5 ԱՊՐԻԼԻ, ՆՈՅՅԱՆ ՏԱՊԱՆ: Գերմանիայի Դրեզդեն քաղաքում
անցկացված շախմատի Եվրոպայի կանանց առաջնությունում Հայաստանի
ներկայացուցիչներն իրենց հնարավորություններից ցածր հանդես եկան:
Գրոսմայստերներ Էլինա Դանիելյանը, Լիլիթ Մկրտչյանը եւ միջազգային
վարպետ Նելլի Աղինյանը 12 հնարավորից վաստակեցին,
համապատասխանաբար, 7.5, 7 եւ 6.5 միավոր եւ չկարողացան տեղեր
գրավել 1-12-րդ հորիզոնականներում, ինչը իրավունք էր տալիս
մասնակցելու աշխարհի հաջորդ 2005 թվականի առաջնությանը: Հայաստանի
3 շախմատիստուհիներն էլ Եվրոպայի թիմային առաջնությունում
չեմպիոնուհիներ էին դարձել, եւ կարելի է սպաել, որ նրանք անհատական
առաջնությունում էլ հաջողության կհասնեն:
Եվրոպայի առաջնությունում առավել հաջող հանդես եկան
Ալեքսանդրա Կոստենյուկը (Ռուսաստան) եւ Պենգ Ժաոքինը (Հոլանդիա),
որոնք գրավեցին 1-ին եւ 2-րդ տեղերը: