ԹԲԻԼԻՍԻԻ ՎԱՐԿԱՆԻՇԱՅԻՆ ՄՐՑԱՇԱՐԻՆ ԿՄԱՍՆԱԿՑԵՆ ՆԱԵՎ ՀԱՅԱՍՏԱՆՑԻ
ԵՐԿՈՒ ԸՄԲԻՇՆԵՐ
01-04-2004 18:30:00 | Հայաստան | Սպորտ
ԵՐԵՎԱՆ, 1 ԱՊՐԻԼԻ, ՆՈՅՅԱՆ ՏԱՊԱՆ: Ապրիլի 2-5-ը Թբիլիսիում
կանցկացվի ձյուդո ըմբշամարտի նախաօլիմպիական վարկանիշային մրցաշար,
որտեղ հաջող հանդես եկած մարզիկները համապատասխան միավորներ
կստանան: Վրաստանի մայրաքաղաքում անցկացվող մրցաշարին կմասնակցեն
նաեւ Հայաստանի 2 ներկայացուցիչներ` հրազդանցի Վարուժան
Իսրայելյանը եւ երեւանցի Լեւոն Գալստյանը, որոնք հանդես կգան 73 կգ
քաշային կարգում: Թբիլիսյան մրցաշարը վարկանիշային վերջին մրցաշարն
է: Սակայն ձյուդոյիստները օլիմպիական խաղերի ուղեգրերի համար
միավորներ կարող են վաստակել նաեւ մայիս ամսին Բուխարեստում
կայանալիք Եվրոպայի առաջնությունում, որտեղ հանդես կգա նաեւ
Հայաստանի լավագույն ձյուդոյիստ Արմեն Նազարյանը: