ԵՐԵՎԱՆ, 27 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 29-ից մարտի 7-ը Արարատ քաղաքի «Այգ» մարզաբազայում կանցկացվի ֆուտբոլի Հայաստանի առաջնության առաջին եւ բարձրագույն խմբերը սպասարկող մրցավարների ուսումնամարզական հավաքը: Ինչպես «ՆՈՅՅԱՆ ՏԱՊԱՆ»-ին հայտնեցին Հայաստանի ֆուտբոլի ֆեդերացիայի Մամուլի քարտուղարությունից, ֆեդերացիայի հրավերով փետրվարի 29-ին Հայաստան կժամանի ՈՒԵՖԱ-ի հատուկ հրահանգիչ Ալեքսեյ Սպիրինը, որը մինչեւ մարտի 2-ը տեսական պարապմունքներ կանցկացնի մրցավարների հետ:

---