ԵՐԵՎԱՆ, 11 ՓԵՏՐՎԱՐԻ, ՆՈՅՅԱՆ ՏԱՊԱՆ: Իտալիայի Նորչիա քաղաքում
անցկացվող ֆուտբոլի միջազգային մրցաշարում անհաջող է հանդես գալիս
Հայաստանի չեմպիոն «Փյունիկը»: Երեւանցիները 2 ոչ-ոքիներից հետո
(ռումինական «Արջեշ Դաչիա» թիմի հետ` 0-0, Ալբանիայի հավաքականի
հետ` 2-2) մրցեցին ռումինական «Օրադեա» թիմի հետ եւ պարտություն
կրեցին 1-3 հաշվով: «Փյունիկը» 3 խաղից հետո վաստակել է 2 միավոր
եւ եզրափակում է մրցաշարային աղյուսակը: Վերջին խաղը Հայաստանի
չեմպիոնը կանցկացնի ռումինական մեկ այլ թիմի` «Ունիվերսիտատեի»,
հետ:
Անկախ վերջին մրցափուլի արդյունքներից, «Նորչիայի ձմեռային
գավաթ» մրցաշարի հաղթող է դարձել «Օրադեան», որը 9 միավորով
անհասանելի է դարձել մրցակիցների համար: