ԵՐԵՎԱՆՑԻ ՊԱՏԱՆԻ ԹԵԹԵՎԱՏԼԵՏԸ ԴԱՐՁԱՎ ՄԻՋԱԶԳԱՅԻՆ ՄՐՑՈՒՄՆԵՐԻ
ՀԱՂԹՈՂ
09-02-2004 18:14:00 | Հայաստան | Սպորտ
ԵՐԵՎԱՆ, 9 ՓԵՏՐՎԱՐԻ, ՆՈՅՅԱՆ ՏԱՊԱՆ: Մոսկվայում անցկացված
թեթեւ ատլետիկայի երիտասարդական «A» կարգի միջազգային մրցաշարում, որին
մասնակցում էին 22 երկրների ներկայացուցիչներ, հիանալի հանդես եկան
Հայաստանի մարզիկները:
Հեռացատկում փայլուն մրցելույթ ունեցավ 19-ամյա երեւանցի
Գագիկ Չալիկյանը: Ցույց տալով 6 մետր 89 սանտիմետր արդյունք` նա
հեղինակավոր մրցաշարի հաղթող դարձավ: Շնորհալի պատանին իր ուժերը
փորձեց նաեւ 60 մ վազքատարածությունում: Գագիկն այստեղ 7 վրկ
արդյունքով ճանաչվեց 5-րդը: Հայաստանի 2-րդ ներկայացուցիչը`
վանաձորցի Նարինե Ղազարյանը, աղջիկների արագավազքում` 60 մ
տարածությունում, ցույց տվեց 7,83 վրկ ժամանակ եւ գրավեց 7-րդ
տեղը: