ԵՐԵՎԱՆ, 9 ՓԵՏՐՎԱՐԻ, ՆՈՅՅԱՆ ՏԱՊԱՆ: Փետրվարի 10-15-ը Սլովակիայի Պրեշով քաղաքում կանցկացվի բադմինտոնի աշխարհի կանանց թիմային առաջնությունը` Յուբերի գավաթի խաղարկությունը: Հայաստանի հավաքական թիմում հանդես կգան Աննա Նազարյանը, Ռուզան Հակոբյանը, Մարիամ Մուրադյանը, Գայանե Մկրտչյանը: Նշենք, որ Հայաստանի բադմինտոնիստուհիներին խմբում լուրջ մրցակիցներ են բաժին ընկել` Ռուսաստանի, Թուրքիայի եւ Ուելսի հավաքականները: Հատկապես ուժեղ է Ռուսաստանի հավաքականը, որի հետ էլ մեկնարկային հանդիպումը կանցկացնեն հայ մարզուհիները: Պայքարը շարունակելու իրավունք կստանա միայն խմբի հաղթողը: Հայաստանի հավաքականի անդամները մինչեւ Սլովակիա մեկնելը մասնակցել են Իրանում անցկացված միջազգային մրցումներին, որտեղ նրանց մրցելույթները բավականին համեստ էին:

---