ԵՐԵՎԱՆ, 29 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոսկվայում անցկացվեց
լողի աշխարհի գավաթի խաղարկությունը, որին մասնակցեցին Հայաստանի 2
ներկայացուցիչներ:
Հաջող էր Վարդուհի Ավետիսյանի մրցելույթը, որ թեեւ բրաս
լողաոճի 100 մ մրցատարածությունում բարձր տեղ չգրավեց, սակայն
կարողացավ Հայաստանի նոր ռեկորդ սահմանել: Վ.Ավետիսյանի ցույց տված
արդյունքը` 1 րոպե 15,7 վայրկյան, գերազանցում է շուրջ 30 տարի
առաջ սահմանած ՀՀ ռեկորդը:
Ցավոք, նույնպես բրաս լողաոճում հանդես եկած Հայաստանի
երկրորդ ներկայացուցիչը` Հայկ Կարապետյանը, ցածր արդյունք ցույց
տվեց: