ՄԵԿՆԱՐԿԵՑ ՎԻՏԱԼԻ ԶԱՍՏՈՒԽՈՎԻ ՀԻՇԱՏԱԿԻՆ ՆՎԻՐՎԱԾ ՀՈՒՇԱՄՐՑԱՇԱՐԸ
22-01-2004 17:32:00 | Հայաստան | Սպորտ
ԵՐԵՎԱՆ, 22 ՀՈՒՆՎԱՐԻ, ՆՈՅՅԱՆ ՏԱՊԱՆ: Երեւանի պետհամալսարանի
մարզադահլիճում հունվարի 22-ին մեկնարկեց հանրահայտ բասկետբոլիստ
եւ մարզիչ Վիտալի Զաստուխովի հիշատակին նվիրված մրցաշարը:
ԽՍՀՄ միջազգային կարգի սպորտի վարպետ, ՀՀ վաստակավոր մարզիչ
Վ.Զաստուխովը երկար տարիներ հանդես է եկել Հայաստանի եւ Խորհրդային
Միության հավաքականների կազմում, եղել Եվրոպայի չեմպիոն եւ աշխարհի
առաջնության բրոնզե մեդալակիր:
Հուշամրցաշարին մասնակցող Երեւանի, Արարատի, Էջմիածնի եւ
Թբիլիսիի 8 թիմերը նախ կմրցեն 2 խմբերում, ապա նրանցից 4
լավագույնները պայքարը կշարունակեն օլիմպիական մրցակարգով: Հաղթող
թիմը հայտնի կդառնա հունվարի 26-ին: