«ՓՅՈՒՆԻԿԸ» ԴՈՒՐՍ ՄՆԱՑ «ՀԱՄԱԳՈՐԾԱԿՑՈՒԹՅԱՆ ԳԱՎԱԹԻ»
ՄՐՑԱՊԱՅՔԱՐԻՑ
21-01-2004 18:45:00 | Հայաստան | Սպորտ
ՄՈՍԿՎԱ, 21 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոսկվայում ընթացող
«Համագործակցության երկրների չեմպիոնների գավաթի» 12-րդ
խաղարկությունում անհաջող հանդես եկավ Երեւանի «Փյունիկը»: Մեր
չեմպիոնը միեւնույն` 0-1 հաշվով պարտվեց Էստոնիայի չեմպիոն
«Ֆլորային» եւ Ուկրաինայի չեմպիոն «Դինամոյին», 2-1 հաշվով հաղթեց
Թուրքմենստանի չեմպիոն «Նիսային» ու «C» խմբում գրավեց 3-րդ տեղը:
«Փյունիկն» այդպիսով դուրս մնաց հետագա պայքարից: Խմբից քառորդ
եզրափակիչ փուլում հանդես գալու իրավունք ստացան «Դինամոն» եւ
«Ֆլորան»:
«Համագործակցության երկրների չեմպիոնների գավաթի»
խաղարկության հաղթող թիմը կորոշվի հունվարի 25-ին կայանալիք
եզրափակիչ խաղում: