ՆՈՐԱԲԱՑ «ԿՎԱՆՏ» ԱԿՈՒՄԲՈՒՄ ԱՆՑԿԱՑՎԵՑ ՀԱՅԱՍՏԱՆԻ ՎԵՏԵՐԱՆ
ԲԻԼԻԱՐԴԻՍՏՆԵՐԻ ՄՐՑԱՇԱՐԸ
19-01-2004 19:42:00 | Հայաստան | Սպորտ
ԵՐԵՎԱՆ, 19 ՀՈՒՆՎԱՐԻ, ՆՈՅՅԱՆ ՏԱՊԱՆ: Բիլիարդի հանրապետական
ֆեդերացիայի նորաբաց «Կվարտ» ակումբում անցկացվեց վետերան
բիլիարդիստների մրցաշարը, որին մասնակցեցին Երեւանի, Գյումրիի եւ
Էջմիածնի 16 ներկայացուցիչներ:
Մրցումներն անցկացվեցին «Ռուսական բուրգ» խաղաձեւից`
կիսաօլիմպիական մրցակարգով (2 պարտություն կրած մասնակիցը դուրս էր
մնում հետագա պայքարից): Երկօրյա մրցաշարի եզրափակիչում հանդիպեցին
52-ամյա Սամվել Արիստակեսյանը (Էջմիածին) եւ 67-ամյա Վանիկ
Դաբաղյանը (Երեւան): Ավելի ուժեղ գտնվեց Ս.Արիստակեսյանը, որն էլ
մրցաշարի հաղթող դարձավ: 3-րդ մրցանակակիր դարձավ մարզաձեւի
հանրապետական ֆեդերացիայի նորընտիր նախագահ Արտավազդ Գրիգորյանը
(Երեւան):
Մրցումներում 1-3-րդ տեղերը գրաված բիլիարդիստներին
հանձնվեցին հովանավորի` «Գրեյթ Վելլի» ընկերության, սահմանած
մրցանակները: