ԵՐԵՎԱՆ, 23 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Չորս մրցափուլ է անցկացվել Հայաստանի շախմատիստի կենտրոնական տան (ՀՇԿՏ) տղամարդկանց առաջնությունում: Միանձնյա առաջատարը սպորտի վարպետ Գեւորգ Հարությունյանն է, որը շահել է իր բոլոր հանդիպումները: 3,5-ական միավորով 2-5-րդ տեղերում են Դավիթ Պետրոսյանը, Տիգրան Գասպարյանը, Լեւոն Բաբոջյանը եւ Զավեն Անդրեասյանը: Առաջատար հնգյակին հետեւող 6 շախմատիստները 3-ական միավոր են վաստակել: Շվեյցարական խաղակարգով անցկացվող առաջնության ավարտին մնացել է 5 մրցափուլ:

---