ՀՇԿՏ-Ի ՉԵՄՊԻՈՆԻ ԿՈՉՄԱՆ ՀԱՄԱՐ ՊԱՅՔԱՐԻ ՄԵՋ ԵՆ ՄՏԵԼ 60
ՇԱԽՄԱՏԻՍՆԵՐ
18-12-2003 19:35:00 | Հայաստան | Սպորտ
ԵՐԵՎԱՆ, 18 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Սկսվել է Հայաստանի
շախմատիստի կենտրոնական տան հերթական առաջնությունը: Մրցումներին
մասնակցում են 2151 եւ ավելի բարձր անհատական վարկանիշ ունեցող,
ինչպես նաեւ ընտրական փուլը հաղթահարած 60 շախմատիստներ:
Առաջնությունն անցկացվում է շվեյցարական խաղակարգով, 9 մրցափուլով:
Այն նաեւ ընտրական բնույթ է կրում. չեմպիոնի կոչումից բացի,
խաղարկվում են Հայաստանի 2004թ. առաջնության առաջին խմբի մրցաշարի
10 ուղեգրեր: Բոլոր մրցանակակիրները, ինչպես նաեւ մինչեւ 12 եւ
մինչեւ 16 տարեկան շախմատիստներից լավագույն արդյունք ցույց
տվածները կարժանանան դրամական մրցանակների: ՀՇԿՏ-ի չեմպիոնը կստանա
100 հազար դրամ պարգեւավճար: Առաջին անգամ Հայաստանի շախմատիստի
կենտրոնական տան առաջնության արդյունքները կուղարկվեն ՖԻԴԵ, որտեղ
կհաշվարկվեն մրցումների մասնակիցների միջազգային վարկանիշները: