ԵՐԵՎԱՆ, 12 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Հայաստանի շախմատիստի
կենտրոնական տան առաջնությունում 1-2-րդ տեղերը 7,5-ական միավորով
բաժանեցին Անահիտ Խառատյանը (Վանաձոր) եւ Մարիաննա Գասպարյանը
(Գյումրի): Առավել բարձր մրցաշարային գործակիցներ ուներ Անահիտ
Խառատյանը, որն էլ ճանաչվեց ՀՇԿՏ-ի չեմպիոնուհի եւ նվաճեց
Հայաստանի 2004 թվականի առաջնության բարձրագույն խմբի միակ
ուղեգիրը: 3-5-րդ տեղերը 6,5-ական միավորով գրավեցին Մարինե
Ղազարյանը (Գյումրի), Սիրանուշ Անդրեասյանը (Էջմիածին) եւ Նոնա
Սահակյանը (Արմավիր): Լրացուցիչ ցուցանիշներով 3-րդ մրցանակակիր
դարձավ Մարինե Ղազարյանը: