ԵՐԵՎԱՆ, 10 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆուտբոլի աշխարհի 2006 թվականի առաջնության ընտրական փուլի եվրոպական 1-ին խմբում ընդգրկված երկրների` Հայաստանի, Հոլանդիայի, Չեխիայի, Ռումինիայի, Ֆինլանդիայի, Մակեդոնիայի եւ Անդորայի, ազգային ֆեդերացիաների նախագահները որոշում են ընդունել խմբային մրցաշարի խաղացանկի հարցը քննարկել Ամստերդամում (Հոլանդիա) 2004թ. հունվարի 16-ին: Նրանցից յուրաքանչյուրը կներկայացնի խաղացանկի իր տարբերակը: Եթե կողմերին չհաջողվի համաձայնության գալ, ապա ֆուտբոլի միջազգային ֆեդերացիան նրանց կպարտադրի խաղացանկի իր տարբերակը: Աշխարհի առաջնության եվրոպական գոտու ընտրական մրցումներն սկսվելու են 2004թ. սեպտեմբերի 4-ից:

---