ԵՐԵՎԱՆ, 3 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիայի Նիս քաղաքում անցկացված հունահռոմեական եւ ազատ ոճերի ըմբշամարտի միջազգային մրցումներում հայաստանցի երեք մարզիկներ դարձան մրցանակակիրներ: Հունահռոմեական ոճի ըմբշամարտի մրցաշարում բանակային մարզիկ Ռոբերտ Պետրոսյանը, հանդես գալով 97 կգ քաշային կարգում, հաղթեց իր բոլոր մրցակիցներին եւ գրավեց 1-ին տեղը: Իսկ ազատ ոճի ըմբշամարտի մրցումներում Հայաստանի հավաքականի 2 անդամներ` երեւանցիներ Սահակ Բաղդյանը (60 կգ) եւ Արշակ Հայրապետյանը (66 կգ), իրենց քաշային կարգերում 2-րդ տեղերը գրավեցին:

---