«ԿԻԼԻԿԻԱՆ» ՀԱՋՈՐԴ ՄՐՑԱՇՐՋԱՆՈՒՄ ՀԱՆԴԵՍ ԿԳԱ ԲԱՐՁՐԱԳՈՒՅՆ
ԽՄԲՈՒՄ
20-11-2003 18:50:00 | Հայաստան | Սպորտ
ԵՐԵՎԱՆ, 20 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Ավարտվեց ֆուտբոլի
Հայաստանի առաջնության առաջին խմբի մրցաշարը: 12 թիմերի
մրցապայքարում առավել հաջող հանդես եկավ Երեւանի «Կիլիկիան», որը
20 հաղթանակ տարավ, 2 խաղում պարտություն կրեց եւ 60 միավորով
գրավեց առաջին տեղը: Այսպիսով «Կիլիկիան» 2004 թվականի
առաջնությունում հանդես կգա բարձրագույն խմբում, փոխարինելով
վերջին` 8-րդ,տեղը գրաված «Արաքսին» (Արարատ): Չի բացառվում նաեւ,
որ բարձրագույն խմբի մրցաշարի մասնակիցների թիվը ավելանա: Այդ
դեպքում, ամենայն հավանականությամբ, «Արաքսը» կշարունակի մասնակցել
ուժեղագույնների մրցապայքարին:
Նշենք, որ «Կիլիկիային» 10 միավորով զիջեց երկրորդ տեղը
գրաված «Վաղարշապատը» (Էջմիածին):