ՀԱՅԱՍՏԱՆԻ ՊԱՏԱՆԻ ՇԱԽՄԱՏԻՍՏՆԵՐԸ ԱՇԽԱՐՀԻ ԱՌԱՋՆՈՒԹՅՈՒՆՈՒՄ
ՄՐՑԱՆԱԿՆԵՐ ՉՍՏԱՑԱՆ
03-11-2003 17:05:00 | Հայաստան | Սպորտ
ԵՐԵՎԱՆ, 3 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Հունաստանի Հալկիդիկի
քաղաքում անցկացված շախմատի աշխարհի պատանեկան առաջնությանը
Հայասանի ներկայացուցիչները հանդես եկան սպասվածից վատ եւ
չգարվեցին մրցանակային ոչ մի տեղ: Հայաստանի 16 շախմատիստներից
ամենաբարձր արդյունքը ցույց տվեց Հայկ Թամազյանը, որը 11
հնարավորից վաստակելով 8 միավոր, 8-րդ տեղը գրավեց 10 տարեկանների
խմբում: Եւս 2-ը` Հրայր Սիմոնյանը (12 տ.) եւ Զավեն Անդրեասյանը
(14 տ.), իրենց խմբերում տեղեր գրավեցին 1-ին տասնյակում: Վատ
չխաղացին նաեւ Սամվել Տեր-Սահակյանը, Գրիգոր Դիլանյանը (10 տ.),
Հրանտ Մելքումյանը (14 տ.), Արման Փաշիկյանը (16տ.):
Առաջնությունն ընթացավ 5 տարիքային խմբով` մինչեւ 10, 12, 14,
16 եւ 18 տարեկանների միջեւ: 10 մրցաշարերին մասնակցեցին ընդհանուր
առմամբ 85 երկրների 900 պատանի շախմատիստներ ու շախմատիստուհիներ: