ԵՎՐՈՊԱՅԻ ԱՌԱՋՆՈՒԹՅԱՆ 6-ՐԴ ՄՐՑԱՓՈՒԼԸ ՇԱՏ ՀԱՋՈՂ ԷՐ ՀԱՅԱՍՏԱՆԻ
ՊԱՏԱՆԻ ՇԱԽՄԱՏԻՍՏՆԵՐԻ ՀԱՄԱՐ
29-10-2003 16:24:00 | Հայաստան | Սպորտ
ԵՐԵՎԱՆ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հունաստանում անցկացվող
շախմատի Եվրոպայի պատանեկան առաջնությա 6-րդ մրցափուլում հայ 16
շախմատիստներից 12-ը հաղթանակներ տոնեցին, 2-ը ոչ-ոքի խաղացին, 2-ը
պարտվեցին: Պարտություն կրողներից մեկը 18 տարեկանների խմբում
հանդես եկող Լեւոն Բաբուջյանն էր, որը նախորդ 5 մրցափուլերում
ընդամենը կես միավոր էր կորցրել եւ հավակնում էր ամենաբարձր տեղի:
Իսկ ցածր տարիքային խմբերում 6 հնարավորից 5-ական միավոր են
վաստակել Հայկ Թամազյանը, Ռուբեն Գաթրջյանը (10 տարեկանների
խումբ), Ռոբերտ Հովհաննիսյանը (12 տարեկանների խումբ): Մի փոքր են
ետ մնում Սամվել Տեր-Սահակյանը, Գրիգոր Դիլանյանը (10 տ.), Տիգրան
Մամիկոնյանը (16 տ): Նրանք, ինչպես եւ Լեւոն Բաբուջյանը, 4,5-ական
միավոր ունեն:
Առաջնության ավարտին 5 մրցափուլ է մնացել: