ՀԱՅԱՍՏԱՆԻ ՆԱՐԴԻՍՏՆԵՐԸ 4 ՄՐՑԱՆԱԿ ՆՎԱՃԵՑԻՆ ՖՐԱՆՍԻԱՅՈՒՄ
ԱՆՑԿԱՑՎԱԾ ՄԻՋԱԶԳԱՅԻՆ ՄՐՑԱՇԱՐՈՒՄ
29-10-2003 15:04:00 | Հայաստան | Սպորտ
ԵՐԵՎԱՆ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ֆրանսիայում անցկացվեց
նարդու խոշոր մրցաշար, որին մասնակցում էին տարբեր երկրների ավելի
քան 150 ներկայացուցիչներ: Հայաստանի 5 նարդիստներ մասնակցեցին «Բ»
խմբի մրցումներին: Հիանալի հաջողության հասավ Ավետիս Ռոստոմյանը,
որը շահելով իր բոլոր հանդիպումները` գրավեց 1-ին տեղը: «1-ին
շանս»-ի (1 պարտություն ունեցողների) եզրափակիչում հանդիպեցին
Հարություն Մարտիրոսյանը եւ Արթուր Մուրադյանը: Հաղթեց եւ 1-ին
մրցանակը նվաճեց Մարտիրոսյանը: Եվս մեկ մրցանակ նվաճեց Գագիկ
Բաշինջաղյանը. «վերջին շանսում» նա գրավեց 2-րդ տեղը:
Այժմ Հայաստանի մի խումբ նարդիստներ պատրաստվում են
մասնակցելու Եգիպտոսում կայանալիք միջազգային ներկայացուցչական
մրցաշարին: