Ֆրանսայի իշխանութիւնները մինչեւ 2000 եւրօ պիտի վճարեն այն փախստականներուն, որոնք Ֆրանսայի մէջ բնակելու արտօնութիւն չէն ստացած
30-11-2011 15:25:02 | | Մամլո հաղորդագրություն
ֆրանսայի իշխանութիւնները մինչեւ 2000 եւրօ պիտի վճարեն այն փախստականներուն յիւրաքանչիւր անձի համար_, որոնք Ֆրանսայի մէջ բնակելու արտօնութիւն չէն ստացած եւ որոնք կամաւոր կերպով պիտի համաձայնին վերադառնալու իրենց հայրենիքը:
«ԼԸՄոնտ» օրաթերթը կը գրէ որ Ֆրանսայի Ներքին Նախարար Գլոտ Կ'էան յայտարարած է որ այս որոշումով անոնք մտադիր էն վերջակէտ դնել այն դէպքերուն, երբ գաղթականներ բնակութեան համար արտօնութիւն չստանալով, կþամբողջացնէն ապօրէն գաղթականներու շարքերը:
«Փախստականներուն ապաստան տրամադրելու մեր համակարգը վտանգի տակ է, քանի որ յաճախ այդ համակարգը կը գործածուի երկրի մէջ ապօրինի կերպով ամրապնդուելու նպատակով» , ըսաւ Կ'էան եւ իր խօսքերը ապացուցանելու համար թուային կարգ մը տուեալներ ներկայացուց. վերջին չորս տարիներու ընթացքին Ֆրանսայի մէջ փախստականներու թիւը 55 առ հարիւր համեմատութեամբ բարձրացած է:
Նախարարը աւելցուց որ մինչեւ 2011ի վերջաւորութիւն, ապաստան տրամադրելու մասին 60 հազար միջնորդութիւններ պիտի քննարկուին, իսկ 2008ի տուեալներով այդ թիւը 42.6 հազար էր:
Կ'էան նշեց որ փախստականներու մեծամասնութիւնը Ֆրանսայ կը ժամանէ Պանկլատէշէն ու Հայաստանէն եւ քանի որ Ֆրանսայի փախստականներու եւ քաղաքացիութիւն չունեցող անձերու պաշտպանութեան վարչութիւնը այդ երկիրները, ինչպէս նաեւ Մոլտաւիան ու Չեռնոկորիան դասած է այսպէս կոչուած անվտանգ երկիրներու շարքին, ուստի նախ եւ առաջ արագօրէն պիտի քննարկուին այդ երկիրներէն գաղթած անձերու թղթածրարները:
Ֆրանսայի իշխանութիւնները ամէն տարի կը մերժեն քաղաքական ապաստան տալ փախստականներու 70-80 տոկոսին: Օրէնքի համաձայն, մերժեալ անձերը պէտք է մէկ ամսուայ ընթացքին լքեն երկրի տարածքը, սակայն իրականութեան մէջ այլ բանէր տեղի կþունենան:
«Մարմարա»
...