Տիգրան Մանսուրեան »ցեղասպանութեան« նուիրուած Րէքուէմ մը յօրինած է
01-12-2011 17:56:32 | | Ի՞նչ է գրում սփյուռքի մամուլը
Հայաստանցի համբաւաւոր յօրինող Տիգրան Մանսուրեան »հայոց ցեղասպանութեան« զոհերու յիշատակին նուիրուած »Րէքուէմ« մը յօրինած է եւ այս ստեղծագործութիւնը համերգային չորս կատարումներով ներկայացուած է Գերմանիոյ մէջ, արժանանալով գերման խստապահանջ հանդիսատեսի ջերմ ընդունելութեան։
Յօրինումը կատարուած է Միւնիխի նուագախումբի եւ Ռէաս երգչախումբի պատուէրով։ Ըստ Մանսուրեանի, այս ստեղծագործութիւնը կարեւոր գործ մըն էր, որովհետեւ տասը տարիէ ի վեր այդպիսի գործ մը յղանալու գաղափարը ծնունդ առած էր իր մտքին մէջ։ »Երկար փնտռտուքներու արդիւնքով կրցայ գտնել ձեւաչափ մը, որով ճիշդ ներկայացուցի թէման«, ըսաւ Տիգրան Մանսուրեան, նշելով որ րէքուէմը նուիրուած է »ցեղասպանութեան« զոհերու յիշատակին։ Տիգրան Մանսուրեանի նախնիներն ալ 1915ի զոհերէն են, ուստի ինք կþըսէ որ այս գործով համադրած է անձնական ցաւն ու համամարդկային ցաւը։
Այս նորագոյն յօրինումը պիտի մեկնաբանուի ամբողջ աշխարհի մէջ, սակայն պայմանագրի համաձայն, հայ երաժիշտներու կողմէ Հայաստանի մէջ չի կրնար մեկնաբանուիլ։
«Մարմարա»
ԴԱՍ. ՀԱՅԵՐԵՆ 
Հայերեն
Русский
English
French