Հայաստանի Հանրապետական կուսակցութիւնը մեծապէս կարեւորում է 2012թ.-ի խորհրդարանական ընտրութիւնների ազատ եւ արդար անցկացումը: Այս մասին ՀՀ Ազգային ժողովի պատգամաւորների փետրուարի 7-ի յայտարարութիւնների ժամին հաւաստիացրեց ԱԺ փոխնախագահ, ՀՀԿ մամլոյ խօսնակ Էդուարդ Շարմազանովը, յիշեալ ընտրութիւնները գնահատելով որպէս «2012թ.-ի գլխաւոր ներքաղաքական իրադարձութիւնէ: «Պատահական չէ, որ ամենաբարձր մակարդակով մենք ցուցաբերել ենք թէ քաղաքական կամք եւ թէ օրէնսդրական նախաձեռնութիւններ»,-ընդգծեց Է.Շարմազանովը` յաւելելով, որ դրանք էն ազատ եւ արդար ընտրութիւնների անցկացման անհրաժեշտ նախադրեալները: Ներքաղաքական գործընթացների վերաբերեալ ՀՀԿ ներկայացուցիչը նշեց, որ «եղան գործիչներ, ովքեր ժամանակից շուտ ֆալշ-ստարտ իրականացրեցին եւ սկսեցին կեղծ քարոզարշաւէ: «քաղաքականութիւնը ոչ թէ սպրինտ է, այլ մարաթոն, եւ կարեւորը ոչ թէ արագ վազելն է, այլ` ժամանակին տեղ հասնելըէ,-յայտարարեց ԱԺ փոխնախագահը: Անդրադառնալով արտաքին քաղաքականութեան բնագաւառում առկայ զարգացումներին, նա կարեւորեց վերջին շրջանում հայ-ռուսական յարաբերութիւնների, ինչպէս նաեւ եւրոպական գործընկերների հետ Հայաստանի համագործակցութեան խորացումը: Մասնաւորապէս, նա յիշատակեց փետրուարի 9-ին Եւրոպայի ժողովրդական կուսակցութեան համաժողովի անցկացումը, որի արդիւնքում Հհկ-ն դէ իւրէ կը դառնայ Եժկ-ի լիիրաւ անդամ: Ինչ վերաբերում է արտաքին քաղաքականութեան օրակարգի մաս կազմող հայ-թուրքական յարաբերութիւններին եւ Լեռնային Ղարաբաղի խնդրին, ապա Հայաստանի իշխանութիւնների եւ իշխող կուսակցութեան կարծիքն անփոփոխ եւ հաստակ է. «մենք ամէն ինչ անելու ենք, որպէսզի հասնենք Հայոց ցեղասպանութեան միջազգային դատապարտմանը, Հայաստանը երբեք չի գնայ միակողմանի զիջումների, եւ Արցախի անկախութիւնն այլընտրանք չունիէ:

---