ԵՐԵՒԱՆ, 8 դեկտեմբերի 2010թ. – Այսօր Երեւանում մեկնարկեց ահաբեկչութեան նպատակներով համացանցի օգտագործման դէմ պայքարի եւ կիբերանվտանգութիւնը համակողմանիօրէն բարձրացնելու վերաբերեալ փորձագիտական ազգային աշխատաժողովը, որ կազմակերպուել է ահաբեկչութեան դէմ գործունէութեան ԵԱՀԿ բաժնի կողմից` ԵԱՀԿ երեւանեան գրասենեակի հետ համագործակցութեամբ: Երեւանեան աշխատաժողովը համակողմանի անդրադարձ է կատարում կիբերանվտանգութեանը` ուշադրութեան կենտրոնում պահելով ահաբեկչութեան նպատակներով համացանցի օգտագործումը, կիբերհանցագործութիւնը եւ այլ սպառնալիքներ` այդ թւում նաեւ կարեւորագոյն ենթակառուցուածքների նկատմամբ: «Տեղեկատուական տեխնոլոգիաներից կախուածութիւնը եւ կարեւորագոյն ենթակառուցուածքների փոխկապակցուածութիւնը, որ գնալով աճում էն, անվտանգ կիբերտարածքը կենսական էն դարձրել ժամանակակից պետութեան գործունէութեան համար», - ասաց ԵԱՀԿ ահաբեկչութեան դէմ պայքարի բաժնի ծրագրի համակարգող Դիմիտար Եալնեւը: «Կիբերհանցագործութիւններ կատարողներն ունէն ընդհանուր մեթոդներ, նոյնիսկ եթէ նրանց նպատակներն ու շարժառիթները տարբեր էն: Նրանք սովորում էն միմեանցից եւ յաճախ աշխատում իրար հետ»: Փորձագիտական հանդիպման նպատակն է կատարելագործել մասնակիցների հմտութիւններն ահաբեկչութեան նպատակներով համացանցի օգտագործման դէմ պայքարոմ: Մասնակիցները կը դիտարկեն հնարաւոր յարձակումների հետեւանքները ու կը քննարկեն հակազդեցութեան հնարաւոր միջոցները, դրանց առնչուող իրաւական դաշտը, քաղած դասերը եւ լաւագոյն փորձը: «Համակարգչային սպառնալիքներին դիմակայելու արդիւնաւէտ եւ համակարգուած միջոցառումներ ձեւաւորելու առումով խիստ կարեւոր էն համատեղ իրականացուող աշխատանքները` կառավարութիւնների, քաղաքացիական հասարակութեան եւ մասնաւոր հատուածի ներգրաւմամբ: Պետութեան կողմից առանձին ձեռնարկուած գործողութիւնները յաճախ բաւարար չէն: Ընդհանուր խնդիրները պահանջում էն ընդհանուր լուծումներ, այդ թւում` համագործակցութիւն պետական եւ մասնաւոր հատուածների միջեւ», - ասաց ԵԱՀԿ երեւանեան գրասենեակի ղեկավար, դեսպան Սերգեյ Կապինոսը: Նոր Սքոթլանդ Յարդի գլխաւոր խուզարկու-տեսուչ Քիթ Վերալսը շեշտեց, որ համագործակցութիւնն ինտերնետային ծառայութիւններ մատուցող ընկերութիւնների ու մասնաւոր հատուածի այլ դերակատարների հետ նախադրեալ է իշխանութիւնների համար, որպէսզի կարողանան փաստեր հաւաքել կիբերհանցագործութիւն կատարողների դէմ: «Քննիչի գործողութիւնները սահմանափակւում էն աշխարհագրական եւ նրա իրաւասութեան շրջանակներով, իսկ ահաբեկչինը` ոչ: Ֆիզիկական փաստը դժուար կը լինի թաքցնել, մինչդեռ համակարգչային փաստը կարող է անհետանալ մկնիկի մէկ հարուածով», - ասաց նա: Սա ԵԱՀԿ ահաբեկչութեան դէմ պայքարի բաժնի կողմից կազմակերպուած երրորդ աշխատաժողովն է. նախորդ աշխատաժողովները տեղի էն ունեցել Սերբիայում եւ Խորուաթիայում: ԵԱՀԿ երեւանեան գրասենեակի մամուլի եւ հանրային տեղեկատուութեան հարցերով աւագ օգնական Գայիանէ Տէր-Ստեփանեան

---