Մարտի 15-ին ԱԺ գիտութեան, կրթութեան, մշակոյթի, երիտասարդութեան եւ սպորտի հարցերի մշտական յանձնաժողովը Արտակ Դաւթեանի նախագահութեամբ քննարկեց ՀՀ կառավարութեան ներկայացրած «գովազդի մասինէ ՀՀ օրէնքում լրացումներ կատարելու մասինէ օրինագիծը: Երեւանի քաղաքապետի տեղակալ Կամօ Արէյեանի ներկայացմամբ` օրինագծի նպատակն է կանոնակարգել Երեւան քաղաքում գովազդային օրէնսդրութեան նկատմամբ վերահսկողութիւնը եւ պատասխանատուութեան ենթարկել օրինախախտներին: Սահմանւում է, որ Երեւանի քաղաքապետն իրաւասու է տուգանք կիրառել համապատասխան համայնքի տարածքում արտաքին գովազդ տեղադրելու թոյլտուութեան պայմանների խախտման մասին իր ծանուցագրերի պահանջների կատարումից խուսափելու կամ ժամանակին չկատարելու, ինչպէս նաեւ համայնքում առանց թոյլտուութեան արտաքին գովազդ տեղադրելու համար: Սահմանւում է, որ գովազդատուները, գովազդ արտադրողները, գովազդակիրները սահմանուած խախտումների համար կ'ենթարկուեն վարչական պատասխանատուութեան: Երեւանի քաղաքապետն իրաւունք կ'ունենայ կիրառելու տուգանք` նուազագոյն աշխատավարձի մինչեւ 100-ապատիկի չափով: Օրինագծի առաջին եւ երկրորդ ընթերցմամբ քննարկումները նախատեսւում է իրականացնել 24 -ժամեայ ընթացակարգով: Նախագիծը ստացաւ յանձնաժողովի դրական եզրակացութիւնը` ԱԺ առաջիկայ քառօրեայ նիստերի օրակարգում ընդգրկուելու համար: Յանձնաժողովը երրորդ ընթերցմամբ քննարկեց ՀՀ կառավարութեան եւ պատգամաւորներ Հեղինէ Բիշարեանի, Նաիրա Զոհրաբեանի, Անահիտ Բախշեանի, Լիլիթ Գալստեանի հեղինակած «գրադարանների եւ գրադարանային գործի մասինէ օրինագիծը: հհ մշակոյթի նախարարի տեղակալ Արթուր Պօղոսեանը տեղեկացրեց, որ այն շուրջ 60 առաջարկների հաշուառումով լրամշակուել է: ԱԺ հասարակայնութեան եւ տեղեկատուութեան միջոցների հետ կապերի վարչութիւնից տեղեկացնում են, որ նախագիծը ստացել էաւ դրական եզրակացութիւն:

---