12.04.2012 թ.-ին ՀՀ ԿԳ նախարարութեան կայքում տեղադրուել է «ԵՊԼՀ-ի կրթական գործունէութեան նկատմամբ իրականացուած վերահսկողութեան արդիւնքների մասին» ակտը, ինչի վերաբերեալ բուհը ստանում է բազմաթիւ հարցումներ տարբեր ԶԼՄ-ներից, ուստի յարկ ենք համարում յայտնել հետեւեալը: Ուրախութեամբ նշում ենք, որ փոփոխութիւններ են արուել ՀՀ ԿԳՆ կայքում տեղ գտած 12.04.2012թ. «ԵՊԼՀ-ի կրթական գործունէութեան նկատմամբ իրականացուած վերահսկողութեան արդիւնքների մասինէ ակտում: Խիստ կասկածելի կէտերը դուրս են հանուել, սակայն ԵՊԼՀ կրթական գործունէութեան նկատմամբ իրականացուած վերահսկողութեան արդիւնքներով կազմուած ակտի նախագծի վերաբերեալ բուհի առարկութիւնների եւ առաջարկութիւնների զգալի մասը, այնուամենայնիւ, հաշուի չի առնուել նախարարութեան կողմից, աւելին` խախտելով ՀՀ ԿԳ նախարարի 19.03.2012 թ.-ի N 190-այ/Ք «Երեւանի Վ. Բրիւսովի անուան պետական լեզուաբանական համալսարանի կրթական գործունէութեան նկատմամբ վերահսկողութիւն իրականացնելու եւ այդ նպատակով յանձնաժողով ստեղծելու մասինէ հրամանի 1-ին կէտը. «Երեւանի Վ. Բրիւսովի անուան պետական լեզուաբանական համալսարանի 2009-2010 եւ 2010-2011 ուսումնական տարիների կրթական գործունէութեան նկատմամբ իրականացնել վերահսկողութիւն»: Նկատենք նաեւ, որ «Երեւանի Վ. Բրիւսովի անուան պետական լեզուաբանական համալսարանի կրթական գործունէութեան նկատմամբ իրականացուած վերահսկողութեան արդիւնքների մասինէ ակտում տեղ են գտել ներմուծուած բաժիններ (օրինակ` 2008թ.-ին շնորհուած դիպլոմի վերաբերեալ դիտողութիւնը): Իրօք, 2008թ.-ին շնորհուած դիպլոմում տեղ է գտել սխալ, որի պատասխանատուներն այլեւս չեն աշխատում բուհում: Ներկայ պահին ԵՊԼՀ շրջանաւարտների դիպլոմների լրացումը կատարւում է համաձայն ՀՀ ԿԳ նախարարի 23.06.2010թ.-ի թիւ 609-ն «Հայաստանի Հանրապետութեան բարձրագոյն ուսումնական հաստատութիւնների շրջանաւարտների աւարտական փաստաթղթերի պատուիրման, բաշխման, լրացման, հաշուառման եւ պահպանման կ'արգե-ի 3-րդ գլխի 16-րդ կէտի եւ հաւուր պատշաճի: Սակայն մինչ այդ խնդրում ենք խուսափել «լուրջ խախտումէ եզրոյթից, քանի որ այն հասարակական ինքնագիտակցութեան հարթութիւնում մեկնաբանւում է որպէս յանցագործութիւն եւ, ըստ էութեան, յանցագործութեան հոմանիշ է: Յոյս ունենք, որ ՀՀ ԿԳ նախարարութեան կողմից անդրադարձ կը կատարուի եւ կը վերանայուի «Երեւանի Վ. Բրիւսովի անուան պետական լեզուաբանական համալսարանի կրթական գործունէութեան նկատմամբ իրականացուած վերահսկողութեան արդիւնքների մասին» ակտը, այլապէս ակտի վիճելի կէտերի իրաւաչափութեան եւ օրինականութեան հարցը կը վիճարկուի դատարանում: Յիշեցնում ենք, որ նշուած ակտի վերաբերեալ արդէն եղել է բուհի յայտարարութիւնը` կից փաստաթղթերով:

---