Հայաստանի դեսպան Գագիկ Ղալաչյանը իր հաւատարմագրերն է
յանձնել Ալբանիայի Նախագահ Բամիր Թոփիին
23-06-2010 17:58:00 | | Քաղաքական
ՏԻՐԱՆԱ, 23 ՅՈՒՆԻՍԻ, ՆՈՅԵԱՆ ՏԱՊԱՆ: Հայաստանի դեսպան Գագիկ
Ղալաչյանը յունիսի 21-ին իր հաւատարմագրերն է յանձնել Ալբանիայի
նախագահ Բամիր Թոփիին: Հաւատարմագրերի յանձնման արարողութեանը
հետեւած առանձնազրոյցի ընթացքում տեսակետներ են փոխանակուել
երկկողմ յարաբերութիւնների աշխուժացման ուղիների վերաբերեալ:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, Հայաստանի դեսպանը նոյն օրը հանդիպումներ է
ունեցել Ալբանիայի փոխվարչապետ եւ արտգործնախարար Իլիր Մետայի,
Ալբանիայի խորհրդարանի արտաքին յարաբերութիւնների յանձնաժողովի
նախագահ Ֆաթոս Բեջայի, պաշտօնատար այլ անձանց հետ:
Իլիր Մետայի հետ հանդիպմանը Գ.Ղալաչյանը կարեւորել է երկու
երկրների արտաքին գերատեսչութիւնների միջեւ խորհրդատուութիւնների
մեխանիզմի գործարկումը, ինչը հնարաւորութիւն կտայ նախանշել երկկողմ
համագործակցութեան զարգացման հեռանկարային ուղղութիւնները,
ձեռնամուխ լինել իրավապայմանագրային դաշտի ձեւաւորմանը:
Ալբանիայի խորհրդարանի արտաքին յարաբերութիւնների
յանձնաժողովի նախագահի հետ զրոյցում կողմերը կարեւորել են
միջխորհրդարանական կապերի զարգացումը, քննարկել բազմակողմ
ձեւաչափերում երկու երկրների խորհրդարանականների համագործակցութեան
հնարաւորութիւնները: