Հայաստանի նորանշանակ դեսպան Անդրանիկ Մանուկեանն իր
հաւատարմագրերն է յանձնել Ուկրաինայի նախագահ Վիկտոր Յանուկովիչին
26-05-2010 20:08:00 | | Քաղաքական
ԿԻԵՎ, 26 ՄԱՅԻՍԻ, ՆՈՅԵԱՆ ՏԱՊԱՆ: Մայիսի 26-ին Ուկրաինայում
Հայաստանի նորանշանակ դեսպան Անդրանիկ Մանուկեանն իր
հաւատարմագրերն է յանձնել Ուկրաինայի նախագահ Վիկտոր Յանուկովիչին:
Հաւատարմագրերի յանձնման արարողութիւնից յետոյ կայացած
առանձնազրոյցի ժամանակ կողմերը քննարկել են հայ-ուկրաինական
երկկողմ յարաբերութիւնների վերաբերեալ հարցեր: Նշուվել է երկու
երկրների քաղաքական ղեկավարների պատրաստակամութիւնը
յարաբերութիւնները որակական նոր մակարդակով կառուցելու,
փոխշահավետ բազմակողմանի համագործակցութիւն ծաւալելու
ուղղութեամբ: Առանձնակի կարեւորվել է քաղաքական ղեկավարութեան,
իշխանութեան տարբեր թեւերի ղեկավարների մշտական աշխատանքային կապը,
փոխադարձ այցելութիւնները:
Ըստ ՀՀ ԱԳՆ Մամուլի եւ տեղեկատուութեան վարչութեան
հաղորդագրութեան, մեծ կարեւորութիւն է տրուել նաեւ երկու երկրների
միջեւ առեւտրատնտեսական կապերի զարգացման, ապրանքաշրջանառութեան
ծաւալների կտրուկ աւելացման, առկայ հնարաւորութիւնների առաւել
արդիւնաւէտ եւ նպատակային օգտագործման հարցերին:
ԴԱՍ. ՀԱՅԵՐԵՆ 
Հայերեն
Русский
English
French