ԻԻՀ-ն պատրաստ է ճանաչել հայաստանեան երեք պետական բուհերի
դիպլոմները
26-05-2010 18:44:00 | Հայաստան | Հասարակութիւն
ԵՐԵՎԱՆ, 26 ՄԱՅԻՍԻ, ՆՈՅԵԱՆ ՏԱՊԱՆ: Իրանի Իսլամական
Հանրապետութիւնը պատրաստ է ճանաչել հայաստանեան երեք պետական
բարձրագոյն ուսումնական հաստատութիւնների` Երեւանի պետական,
Մ.Հերացու անուան պետական բժշկական եւ Պետական ճարտարագիտական
համալսարանների, դիպլոմները: Այս մասին մայիսի 26-ի ասուլիսում
յայտնեց ՀՀ կրթութեան եւ գիտութեան նախարար Արմէն Աշոտեանը; Նա
նշեց, որ այդ համաձանությունը ձեռք է բերուել մայիսի 21-26-ին Իրան
կատարած պաշտօնական այցի ժամանակ:
Ըստ Ա.Աշոտեանի, դիպլոմների փոխճանաչելության մասին փաստաթղթի
ստորագրման համար ամռանը նախատեսուած է ԻԻՀ գիտութեան,
տեխնոլոգիաների եւ հետազօտութիւնների փոխնախարարի այցը Հայաստան:
Նա հանդիպումներ կունենայ նշուած բուհերի ռեկտորների հետ:
«Դիպլոմների փոխճանաչելությունը հնարաւորութիւն կտայ ունենալ
նոր ուսանողներ հարեւան իրանական պետութիւնից, իսկ մեր բուհական
համակարգը կկարողանայ նոր շուկաներ նուաճել»,- ասաց Ա.Աշոտեանը:
Իրան կատարած այցը նախարարը ընդհանրապես արդիւնաւէտ համարեց;
Նա նշեց, որ այցի ընթացքում պայմանաւորուածութիւն է ձեռք բերուել
նաեւ 10-ական մագիստրոսական ու ասպիրանտական տեղեր ու կրթաթոշակներ
յատկացնել հայ երիտասարդների ուսումն Իրանում ապահովելու համար:
Պայմանաւորուածութիւն է ձեռք բերուել նաեւ Իրանում հայագիտական
կնետրոն հիմնելու մասին: