ՀՀ գլխաւոր դատախազ Աղուան Յովսէփեանը մարտի 18-ին հանդիպում է ունեցել Եւրոպայի խորհրդի գլխաւոր քարտուղարի յատուկ ներկայացուցիչ Սիլուիայ Զեհէի եւ Եւրոպայի խորհրդի առաջատար խորհրդատու, խոշտանգումների եւ վատ վերաբերմունքի դէմ պայքարի Եւրախորհրդի եւ Եւրոպական յանձնաժողովի փորձագէտ Էրիկ Սուանիձէի հետ: Ըստ ՀՀ Գլխաւոր դատախազութեան Հանրային կապերի վարչութեան, հանդիպմանը մասնակցում էին ՀՀ գլխաւոր դատախազի տեղակալ Արամ Թամազեանը եւ ՀՀ գլխաւոր դատախազութեան աշխատակիցնէր: Հանդիպման ընթացքում Ս. Զեհէի կողմից անդրադարձ եղաւ ՀՀ գլխաւոր դատախազութեան պետական շահերի պաշտպանութեան վարչութիւնում պաշտօնատար անձ չհանդիսացող հանրային ծառայող Տիգրան Փոստանջեանի կողմից ապօրինի վարձատրութիւն ստանալու դէպքի առթիւ յարուցուած քրէական գործի որոշ հանգամանքներին` մասնաւորապէս քրէական գործի նախաքննութիւնը ԱԱԾ վարոյթում քննելու իրաւական հիմքերին: Ա. Յովսէփեանը հանգամանօրէն տեղեկացրեց քրէական գործի յարուցման, քրէական գործի նախաքննութիւնը ՀՀ ԿԱՅ ԱԱԾ վարոյթ յանձնելու, խափանման միջոցի ընտրութեան քրէաիրաւական հիմքերը: Գլխաւոր դատախազը նշեց, որ յանցաւորութեան դէմ պայքարում ընդհանրապէս եւ մասնաւորապէս սոյն քրէական գործով նախաքննութիւնն ընթանում է դատախազութեան ձեւաւորուած միասնական քրէական քաղաքականութեան եւ կոռուպցիայի դէմ պայքարի շրջանակներում: ՀՀ գլխաւոր դատախազը նշեց, որ անկախ նոյնիսկ այդ բոլոր հիմքերից, ՀՀ քրէական դատավարութեան օրէնսգրքով սահմանուած կարգով /յօդուած 53/ դատախազի բացառիկ լիազօրութիւնն է ցանկացած քրէական գործ վերցնել հետաքննութեան մարմնից եւ յանձնել նախաքննութեան մարմնին, քրէական գործը սոյն օրէնսգրքի 190 յօդուածով սահմանուած նախաքննութեան մի մարմնից յանձնել նախաքննութեան մէկ այլ մարմնին` բազմակողմանի, լրիւ եւ օբյեկտիւ քննութիւն ապահովելու նպատակով: Ա.Յովսէփեանը մասնաւորապէս շեշտեց. «որ յատկապէս քրէական գործի քննութեան բազմակողմանիութեան եւ օբյեկտիւութեան հանգամանքները ապահովելու սկզբունքից ելնելով է նաեւ սոյն գործի նախաքննութիւնը յանձնարարել ԱԱԾ քննչական վարչութեանը»: Գլխաւոր դատախազը Եւրոպայի խորհրդի գլխաւոր քարտուղարի յատուկ ներկայացուցիչ Սիլուիայ Զեհէին նաեւ տեղեկացրեց, որ ԱԱԾ քննչական վարչութիւնում ՀՀ քրէական դատավարութեան օրէնսգրքով քննչական ենթակայութեան վերաբերեալ սահմանուած կարգով նախատեսուած յօդուածներից բացի, քննուել եւ քննւում էն նաեւ այդ կարգով չնախատեսուած յանցակազմերով քրէական գործեր, մասնաւորապէս նշելով. «ինչպէս կոռուպցիոն բնոյթի, այնպէս էլ կարող էն լինել անգամ նաեւ գողութեան դէպքով յարուցուած քրէական գործեր»: ՀՀ գլխաւոր դատախազը շեշտեց, որ ՀՀ օրէնսդրութիւնը թոյլ է տալիս բողոքարկել ինչպէս նախաքննական մարմնի, այնպէս էլ դատախազի որոշումները, եւ Տ. Փոստանջեանը ու նրա շահերի ներկայացուցիչները լիարժէք ունէն դատախազի որոշումների օրինականութիւնը դատարանում բողոքարկելու իրաւասութիւն, որից եւ կարող էն օգտուել: Ս. Զեհէն անդրադարձաւ նաեւ Ս. Խաչատրեանին` իշխանութեան ներկայացուցչի նկատմամբ բռնութիւն գործադրելու փաստով առաջադրուած մեղադրանքի եւ կալանաւորման վերաբերեալ որոշ հարցերի: ՀՀ գլխաւոր դատախազը տեղեկացրեց, որ Ս. Խաչատրեանի նկատմամբ մեղադրանք առաջադրելիս եւ խափանման միջոց ընտրելիս նկատի էն առնուել ինչպէս նախաքննութեամբ ձեռք բերուած ապացոյցները, այլ նաեւ հետազօտուել էն անգամ համացանցում տեղադրուած տեսանիւթերը, որոնցից մասնաւորապէս ԳԱԼԱՅ հեռուստաընկերութեան համացանցում տեղադրուած տեսաերիզը, որտեղ պատկերուած Ս. Խաչատրեանի գործողութիւնները հանդիսանում էն նրան առաջադրուած մեղադրանքի հիմքում դրուած ապացոյցներից ընդամէնը մէկը: Ա. Յովսէփեանը շնորհակալութիւն յայտնեց նաեւ Եւրոպայի խորհրդի առաջատար խորհրդատու, խոշտանգումների եւ վատ վերաբերմունքի դէմ պայքարի Եւրախորհրդի եւ Եւրոպական յանձնաժողովի փորձագէտ Էրիկ Սուանիձէին, նրա հեղինակած «Վատ վերաբերմունքի եւ անպատժելիութեան դէմ պայքարն ու վատ վերաբերմունքի արդիւնաւէտ քննութիւնը» խորագրով հրատարակուած` Հայաստանի վերաբերեալ զեկոյցում (աշխատութեան), ներկայացուած առաջարկութիւնների, խորհրդատուութեան եւ համագործակցութեան համար: Է.Սուանիձէն նշեց, որ 2009թ. զեկոյցի հրապարակումից յետոյ, Հայաստանում ակնյայտ էն դրական փոփոխութիւննէը զեկոյցում առաջ քաշուած խնդիրների լուծման ուղղութեամբ:

---