Մարտի 14-ին ՀՀ սփիւռքի նախարարութիւնում կայացաւ նախարարութեան էլեկտրօնային գրադարանի կայքի (lib.mindiaspora.am) եւ ,հայերն այսօրէ էլեկտրօնային պարբերականի նոր կայքի (hayernaysor.am) շնորհանդէսը: ՀՀ սփիւռքի նախարար Հրանոյշ Յակոբեանն ընդգծեց նախարարութեան էլեկտրօնային պարբերականի եւ գրադարանի անհրաժեշտութիւնը Սփիւռքի մեր հայրենակիցների պահանջները բաւարարելու, Հայրենիքում եւ Սփիւռքում տեղի ունեցող իրադարձութիւններին ծանօթանալու, աշխարհում գործող հայկական գրահրատարակչական, մշակութային եւ հետազօտական հաստատութիւնների, ինչպէս նաեւ հայ հեղինակների ու նրանց աշխատութիւնների վերաբերեալ տեղեկատուութիւն ստանալու առումով: ,հայերն այսօրէ էլեկտրօնային պարբերականի գլխաւոր խմբագիր Ջ.Առուշանեանը ներկայացրեց նոր կայքի առանձնայատկութիւնները` նշելով, որ այն տեխնիկապէս աւելի յագեցած է եւ առաւել յարմար` սոցիալական ցանցերի միջոցով տեղեկատուական նիւթեր տարածելու նպատակով: Նա ընդգծեց, որ կայքի բաժինները կազմելիս հաշուի էն առնուել Սփիւռքի ընթերցողների կարծիքներն ու նկատառումները, իսկ նիւթերը բաժանուած էն ըստ ժանրային եւ թեմատիկ առանձնայատկութիւնների` լրահոս, յօդուածներ, հարցազրոյցնէր եւ այլն: Սփիւռքի հայ համայնքների մասին տեղեկատուութիւնն աւելի յագեցած է դարձել: Էլեկտրօնային գրադարանի կայքը պատրաստած ,մասսակաէ ՍՊԸ գործադիր տնօրէն Վ.Ղազարեանը ծանօթացրեց ՀՀ սփիւռք նախարարութեան էլեկտրօնային գրադարանի կայքի կառուցուածքին: Գրադարանը ներառում է բազմալեզու գրականութիւն Հայաստան-սփիւռք գործակցութեան, Սփիւռքի համայնքների պատմութեան, Հայոց ցեղասպանութեան, արցախեան հիմնախնդրի եւ այլ հայագիտական նիւթերի հաւաքածուներ, որոնք անընդհատ համալրւում էն: Հաւաքածուն ամփոփում է նաեւ պարբերականներ, տեղեկատուական նիւթեր, մանկական գրականութեան նմուշներ, դասագրքեր, հոգեւոր եւ գեղարուեստական գրքեր:

---