Յունիսին Երեւանում կ'անցկացուի պլաստիկ վերականգնողական եւ Էսթետիկ վիրաբոյժների համաժողովը
03-03-2011 17:06:08 | Հայաստան | Հասարակութիւն
Հայաստանի պլաստիկ վերականգնողական եւ Էսթետիկ վիրաբոյժների ասոցիացիան (AAPRAS www.aapras.org) 2011 թ. յունիսի 28-30-ը կազմակերպում է ոլորտի խնդիրներին նուիրուած «Անցանկալի ելքերը եւ բարդութիւնները պլաստիկ վիրաբուժութեան մէջ» թեմայով միջազգային համաժողով: Այն անցկացուելու է Պլաստիկ վերականգնողական եւ էսթետիկ վիրաբոյժների եւրոպական միութեան հովանաւորութեան ներքոյ:
Համաժողովին մասնակցելու էն ինչպէս սփիւռքի մասնագէտները, այնպէս էլ միջազգային փորձագէտներ եւ դասախօսներ Եւրոպայից, Միացեալ Նահանգներից, Ռուսաստանից, Վրաստանից: Համաժողովի շրջանակներում կը կազմակերպուէն պլաստիկ վիրաբուժութեան ասպարէզում թողարկուող արդիւնաբերական արտադրանքի ցուցադրութիւններ:
Համաժողովում նախատեսւում է շուրջ 200-350 մասնագէտների մասնակցութիւն, միջազգային փորձագէտների 10 դասախօսութիւն եւ 60 զեկոյց, ինչպէս նաեւ 10 կլոր սեղան մասնագիտական քննարկումների համար:
Համաժողովի աշխատանքները համակարգում է IPRAS-ի համաժողովների պաշտօնական համակարգող "Zita Congress" միջազգային ընկերութիւնը, որը համապատասխան տեղեկատուութիւն է ապահովելու աշխարհի 99 երկրների 37 հազար պլաստիկ վիրաբոյժների:
Պլաստիկ վիրաբուժութեան համաշխարհային զարգացումները լայն հասարակայնութեանը ներկայացնելու նպատակով համաժողովի շրջանակներում կազմակերպուելու է հանրային օր /Public day/ լրատուամիջոցների մասնակցութեամբ:
Համաժողովի նիւթերը կամփոփուէն տպագիր ժողովածուի մէջ: