Յայտնաբերուել է ապօրինի ձեռնարկատիրական գործունէութեան երկու
դէպք
16-02-2011 15:12:00 | Հայաստան | Տնտեսութիւն
ԵՐԵՎԱՆ, 16 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայյաստանի
Պետեկամուտների կոմիտէի Շենգաւիթի տարածքային հարկային տեսչության
եւ օպերատիւ հետախուզութեան վարչութեան աշխատակիցների համատեղ
գործողութիւնների արդիւնքում յայտնաբերուել է գիշերային ակումբ,
որը գործել է հարկային դաշտից դուրս: Ապօրինի գործունէութիւնը
ծավալել էր քաղաքացի Վաղինակ Գրիգորեանը` Երեւանի Արշակունեաց 34
հասցեում: Համապատասխան պետական գրանցում չունեցող գիշերային
ակումբը գործել է կարճ ժամանակ:
Ըստ ՀՀ ՊԵԿ Տեղեկատուութեան եւ հասարակայնութեան հետ կապերի
բաժնի հաղորդագրութեան, յայտնաբերուել է նաեւ կաշվի արտադրամաս, որը
պատկանել է «Հսկայ ցուլ» ՍՊԸ-ին: Ապօրինի ձեռնարկատիրությունը
ծաւալուել էր մայրաքաղաքի Շիրակի 94 հասցեում: Հարկային մարմինների
այցելութեան պահին արտադրամասում յայտնաբերուել է խոշոր եղջերավոր
կենդանու երեք տոննա կաշի: Պետութեանը հասցուած վնասի չափը ճշտւում
է: