Գագիկ Յարութիւնեան. «2011թ.-ին պատերազմի հաւանականութիւնը
նուազել է»
15-02-2011 18:56:00 | Հայաստան | Քաղաքական
ԵՐԵՎԱՆ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայկական կողմի
դիւանագիտական եւ կազմակերպչական ջանքերի շնորհիւ անցած տարուայ
համեմատ նուազել է Լեռնային Ղարաբաղի հակամարտութեան գօտում
պատերազմի հաւանականութիւնը: Փետրուարի 15-ի ասուլիսում այսպիսի
տեսակէտ յայտնեց «Նորավանք» հիմնադրամի տնօրէն Գագիկ
Յարութիւնեյանը:
Ըստ նրա, Հայաստանի դիրքերի բարելաւման մասին են վկայում մի
շարք միջազգային վարկանիշային հետազօտութիւնները: Պետութիւնների
ընդհանրական հզորութեան վարկանիշով Հայաստանը բաւականին բարձր տեղ
է գրաւում առաջին հերթին կառավարման բարձր մակարդակի շնորհիւ եւ
այդ ցուցանիշով բաւականաչափ առաջ է անցել հարեւան Ադրբեջանից:
Ձախողված երկրների վարկանիշով վերջին տարիներին Հայաստանը 12 կէտով
բարձրացրել է, իսկ հարեւան երկրները` 5 կէտով ներքեւ իջել:
Հետաքրքրական են նաեւ Հայաստանի եւ Ադրբեջանի ռազմական
հզորութիւնների վերաբերեալ «Ջեյմս» կազմակերպութեան
գնահատականները: Բաւականին օբյեկտիվ համադրելով բոլոր եղած
տուեալները, ըազմակերպությունը եկել է եզրահանգման, որ զուտ
ռազմական առումով Հայաստանը եւ Ադրբեջանը ոչ մի բանով մէկը միւսին
չեն զիջում:
Գ.Յարութիւնեյանը Միջազգային ճգնաժամային խմբի
գործունէութիւնը լուրջ չի ընդունում, որովեհետեւ այն անմիջական
կապ ունի նաւթային, էներգետիկ կոնցեռնների հետ: «Կարծես թէ նրա
գնահատականները մի փոքր ռեւերանս են դէպի Ադրբեջանկը, իսկ որոշ
գնահատականներ անգամ ծիծաղելի են»,- նշեց քաղաքագէտը:
Նա կարեւորեց Հայ-ռուսական ռազմակայանի գործունէութեան
ժամկէտի երկարացման եւ դրան նոր բովանդակութիւն հաղորդելու
վերաբերեալ պայմանագրի կնքումը, ինչպէս նաեւ աշխարհում Լեռնային
Ղարաբաղի հակամարտութեան հարցում մօտեցումների դրական
փոփոխութիւնը: Նրա խօսքերով, անցեալ տարեվերջին Աստանայի ԵԱՀԿ
գագաթաժողովից յետոյ «կարծես, սկսւում է մի նոր, դիրքերի որոշակի
վերադասաւորման փուլ»: Գ.Յարութիւնեանի կարծիքով, Մինսկի խումբը
հասկացել է, որ հեռանկարային չէ մադրիդյան սկզբունքների
ադրբեջանական կողմի ընկալումը` յետ ստանալ տարածքները եւ յետոյ
մտածել, թէ արժէ՞ Ղարաբաղին ինքնորոշում տալ, թէ՞ ոչ: