Սերժ Սարգսեանն ընդունել է Ուկրաինայի արտաքին գործերի
նախարարին
11-02-2011 20:24:00 | Հայաստան | Քաղաքական
ԵՐԵՎԱՆ, 11 ՓԵՏՐՈՒԱՐԻ, ՆՈՅԵԱՆ ՏԱՊԱՆ: ՀՀ նախագահ Սերժ
Սարգսեանին փետրուարի 11-ի հանդիպմանը պաշտօնական այցով Երեւան
ժամանած Ուկրաինայի արտաքին գործերի նախարար Կոնստանտին Գրիշչենկոն
ներկայացրել է այցի շրջանակներում իր հայ գործընկերոջ հետ ունեցած
հանդիպման եւ տարբեր ոլորտներում երկու երկրների միջեւ
համագործակցութեան զարգացմանն ուղղուած բանակցութիւնների
արդիւնքները` դրանք համարելով բազմաբնոյթ եւ արդիւնաւէտ:
«Մենք յուսով ենք, որ Հայաստանի եւ Ուկրաինայի միջեւ
երկխօսութիւնը կզարգանա բոլոր մակարդակներում` սկսած ամենաբարձր
մակարդակից: Հայաստանի արտգործնախարարի հետ մենք պայմանաւորուեցինք
յաճախ հանդիպել, քանի որ անհրաժեշտ է հասկանալ, թէ ինչպէս է
զարգանում իրավիճակը մեր տարածաշրջանում եւ ձեզ մօտ: Եվ քանի որ
այս գլոբալ աշխարհում ամէն ինչ փոխկապակցված է, պէտք է խորհրդակցել
այն թեմաներով, որոնք հիմա առաւել արդիական են»,- ասել է
Ուկրաինայի արտգործնախարարը:
Ինչպէս «ՆՏ»-ին յայտնեցին ՀՀ նախագահի Մամլոյ գրասենեակից,
հանդիպմանն անդրադարձ է եղել վերջին մէկ տարուայ ընթացքում երկկողմ
քաղաքական յարաբերութիւններում արձանագրուած դրական տեղաշարժերին
զուգահեռ տնտեսութեան, մշակոյթի եւ մի շարք այլ ոլորտներում,
ինչպէս նաեւ միջազգային կազմակերպութիւնների շրջանակներում
հայ-ուկրաինական փոխգործակցութեան զարգացմանը:
ԴԱՍ. ՀԱՅԵՐԵՆ 
Հայերեն
Русский
English
French