Հաստատուել է Հայաստանում գայլերի թուաքանակի կարգաւորման եւ
միջացառումների իրականացման կարգը
10-02-2011 14:58:00 | Հայաստան | Հասարակութիւն
ԵՐԵՎԱՆ, 10 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Նկատի առնելով այն
հանգամանքը, որ ՀՀ տարածքում վերջին տարիներին նկատւում է գայլերի
թուաքանակի շեշտակի աճ, ՀՀ կառավարութեան փետրուարի 10-ի նիստում,
որը վարել է վարչապետ Տիգրան Սարգսեանը, հաստատուել է թուաքանակի
կարգաւորման եւ միջացառումների իրականացման կարգը:
Սահմանուել է ոչնչացուած գայլերի դիմաց պարգեւատրման չափը` ամէն
մի գլխի համար հարիւր հազար ՀՀ դրամ, ինչպէս նաեւ ՀՀ
Բնապահպանութեան նախարարութեանը նշուած գումարը վճարելու համար
յատկացուել 10000.0 հազար դրամ:
Տ.Սարգսեանը նշել է, որ համանման որոշում է ընդունուել
Լեռնային Ղարաբաղի Հանրապետութիւնում, ինչի շնորհիւ կարճ
ժամկէտում կանխուել է գայլերի թուաքանակի կտրուկ աճը: