Ճանապարհային ոստիկանութեան տեսուչը մեղադրւում է
թմրամիջոցների իրացման մէջ
25-01-2011 20:44:00 | Հայաստան | Հասարակութիւն
ԵՐԵՎԱՆ, 25 ՅՈՒՆՎԱՐԻ, ՆՈՅԵԱՆ ՏԱՊԱՆ: Հայաստանի ոստիկանութեան
ճանապարհային ոստիկանութեան ուղեկցող սպայական վաշտի առաջին դասակի
տեսուչ, ոստիկանութեան լեյտենանտ Հ.Մանուկեանին մեղադրանք է
առաջադրուել իրացնելու նպատակով թմրամիջոցների ապօրինի
շրջանառութեամբ զբաղուելու համար:
Նախաքննությամբ պարզուել է, որ Հ.Մանուկեանը 2010թ.-ի
սեպտեմբերից 2011թ.-ի յունվարի 21-ն ընկած ժամանակահատուածում իր
ծանօթ Մ.Գ.-ից ձեռք է բերել խոշոր չափի «Ափիօն» տեսակի թմրամիջոց,
պահել եւ փոխադրել է այն, այնուհետեւ տարբեր չափաբաժիններով
իրացրել մէկ այլ անձի:
Անձնական խուզարկութեամբ Հ.Մանուկեանի մօտ յայտնաբերուել է 4,7
գրամ «Ափիօն» տեսակի թմրամիջոց:
Ըստ ՀՀ Յատուկ քննչական ծառայութեան մամլոյ ծառայութեան
հաղորդագրութեան, գործով ձեռք բերուած ապացոյցների հիման վրայ
Հ.Մանուկեանը ներգրաւել է որպէս մեղադրեալ ՀՀ քրէական օրէնսգրքի
266-րդ յօդուածի 2-րդ մասի 2-րդ եւ 2.1 կետերով: Նրա նկատմամբ որպէս
խափանման միջոց կիրառուել է կալանավորումը: