Մարմարա Նախընթաց օր Հոլիվուտի մէջ կայացաւ շարժանկարի »Ոսկեայ երկրագունտ« մրցանակաբաշխութիւնը որ ուղիղ սփռումով հաղորդուեցաւ Էն Պի Սի կայանի կողմէ։ Մրցանակաբաշխութեան ընթացքին ամերիկացի աշխարհահռչակ դերասան Ալ Փաչինօ »Ոսկեայ երկրագունտ«ի արժանացաւ հայազգի բժիշկ Ճէք Գէորգեանի կերպարը մարմնաւորելու համար »Դուք չէք ճանչնար Ճէքը« ժապաւէնի մէջ։ Մրցանակը ստանալէ ետք ան ըսաւ որ իրեն համար շատ դժուար էր խաղալ իրական, այլ ո՛չ թէ յօրինուած կերպարի մը դերը։

---