Բեւեռլի Հիլզում տեղի կունենայ «Փարաջանով-Վարդանով» ամենամեայ
առաջին մրցանակաբաշխությունը
15-04-2010 17:45:00 | ԱՄՆ | Մշակոյթ
ԲԵՎԵՌԼԻ ՀԻԼԶ, 15 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ:
Արուեստագէտների կեանքում կանանց դերն արժեւորելու նպատակով
սահմանուած «Փարաջանով-Վարդանով» մրցանակների առաջին ամենամեայ
մրցանակաբաշխությունը տեղի կունենայ ապրիլի 18-ին Բեւեռլի Հիլզում:
Այս տարուայ մրցանակակիրներն են կինոռեժիսորներ Սերգեյ Փարաջանովի եւ
Միխայիլ Վարդանովի տիկնայք` Սւետլանա Շչերբատյուկը եւ Սւետլանա
Մանուչարեանը: Տիկ. Փարաջանովը եւ տիկ. Վարդանովան թիկունք են եղել
իրենց ամուսիններին նրանց կեանքի բարդ պահերին եւ նաեւ մեծ դեր են
ունեցել այդ փառահեղ կինոնկարների ստեղծման մէջ: Բեւեռլի Հիլզի
կինոփառատօնի հիմնադիր Նինո Սիմոնեն նույնպես կպարգեւտրվի
«Փարաջանով-Վարդանով» մրցանակով: Մրցանակաբաշխությունից յետոյ Լոս
Անջելէսի Կալիֆորնիայի համալսարանի (UCLA) «Ջեյմս Բրիջս» թատրոնում
կցուցադրուի Վարդանովի «Փարաջանով. վերջին գարունը» վաւերագրական
կինոնկարը, որին կյաջորդի դասական համերգ եւ լուսանկարչական
ցուցահանդէս: Ինչպէս տեղեկացնում է «Կռունկը», ցուցադրման
աջակիցներն են UCLA-ի հայագիտական ծրագիրը, UCLA-ի հայագիտական
ուսումնասիրությունների բարեկամներ կազմակերպութիւնը, Եւրոպական
եւ եւրասիական ուսումնասիրությունների կենտրոնը: