ԵԱՀԿ երեւանեան գրասենեակի աջակցութեամբ Հայաստանում
անցկացուել է կրոնական հանդուրժողականութեան վերաբերեալ
ուսումնասիրութիւն
14-04-2010 20:30:00 | Հայաստան | Հասարակութիւն
ԵՐԵՎԱՆ, 14 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Ապրիլի 14-ին
Երեւանում հանրային քննարկման շրջանակներում տեղի ունեցաւ ԵԱՀԿ
աջակցութեամբ իրականացուած` Հայաստանում կրոնական
հանդուրժողականութեան ուսումնասիրութեան շնորհանդէսը:
Պետական մարմինների, մարդու իրաւունքների պաշտպանի
ինստիտուտի, կրոնական եւ ազգային փոքրամասնությունների համայնքների
եւ հասարակական կազմակերպութիւնների ներկայացուցիչները քննարկեցին
ուսումնասիրութիւնը, Հայաստանում կրոնական հանդուրժողականութեան եւ
կրօնի կամ հաւատքի ազատութեան իրավիճակը եւ մարտահրավերները:
Միջոցառման քննարկումների առանցքում էր նաեւ կրօնի կամ հաւատքի
ազատութիւնը կարգաւորող օրէնսդրութեան եւ ոլորտի խնդիրները,
առաջարկուած օրենսդրական փոփոխութիւնները:
«Կրոնական հանդուրժողականությունը Հայաստանում»
ուսումնսիրությունը իրականացուել է 2009թ. «Համագործակցութիւն
յանուն ժողովրդավարութեան» հասարակական կազմակերպութեան կողմից`
ԵԱՀԿ երեւանեան գրասենեակի աջակցութեամբ: Զեկոյցը ներառում է
հարցազրույցներ, համապատասխանաբար մամուլի, յոդուածների եւ
ուսումնսիրությունների երկրորդական վերլուծութիւն, օրենդրության
վերլուծութիւն եւ առաջարկներ պետական մարմիններին:
«Այս քննարկումները լաւ հնարաւորութիւն են ուժեղացնելու
երկխօսութիւնը եւ գործակցութիւնը զանազան մշակոյթային եւ դաւանանքի
համայնքների միջեւ, ինչպէս նաեւ իշխանութիւնների հետ` համատեղ
արձագանքելու կրօնի կամ հաւատքի ազատութեան եւ մարդու իրաւունքների
պաշտպանութեան խնդիրներին: Մենք կշարունակենք խրակուսել
հանդուրժողականությունը եւ փոխվստահությունը, որ նաեւ 2010թ.
Ղազախստանի նախագահութեան առաջնահերթություններից են», - ասաց ԵԱՀԿ
երեւանեան գրսաենյակի ղեկավարի ժամանակաւոր պաշտօնակատար Քարել
Հոֆսթրան:
«Համագործակցութիւն յանուն ժողովրդավարութեան» հասարակական
կազմակերպութեան նախագահ Ստեփան Դանիելեանը յաւելեց. «Յուսով ենք,
որ զեկոյցում ամփոփուած անհանդուրժողականության եւ խտրականութեան
դէպքերի դիտորդման արդիւնքները, ինչպէս նաեւ իրավիճակի եւ
օրէնսդրութեան վերլուծութիւնը օգտակար կլինեն`
համապատասխանեցնելու օրէնքը միջազգային չափանիշներին եւ խթանելլու
կրօնի եւ հաւատքի ազատութիւնը Հայաստանում»: