Քննարկուել են հայ-էմիրաթական միջկառավարական յանձնաժողովի
անդրանիկ նիստը գումարելու հնարաւորութիւնները
01-03-2010 20:40:00 | | Տնտեսութիւն
ԱԲՈՒ ԴԱԲԻ, 1 ՄԱՐՏԻ, ՆՈՅԵԱՆ ՏԱՊԱՆ: ԱՄԷ-ում ՀՀ դեսպան Վահագն
Մելիքեանը մարտի 1-ին հանդիպումներ է ունեցել ԱՄԷ արտաքին առեւտրի
նախարար Շեյխա Լուբնա ալ-Կասիմիի եւ Աբու Դաբիի Զարգացման
հիմնադրամի գործադիր տնօրէն Մուհամմադ ալ-Սուվեյդիի հետ` ՀՀ
փոխվարչապետ, տարածքային կառավարման նախարար Արմէն Գեւորգեանի
շնորհակալական նամակ-հրաւէրները փոխանցելու նպատակով:
Շեյխա Լուբնայի հետ հանդիպման ընթացքում քննարկուել են երկկողմ
առեւտրատնտեսական յարաբերութիւնների վերջին զարգացումները,
հայ-էմիրաթական միջկառավարական յանձնաժողովի անդրանիկ նիստը
գումարելու հնարաւորութիւնները եւ տնտեսական բնոյթի երկկողմ այլ
հարցեր:
Աբու Դաբիի զարգացման հիմնադրամի գործադիր տնօրէնի հետ
կայացած հանդիպման ընթացքում երկուստեք կարեւորվել է հիմնադրամի
հետ համագործակցութիւնն առաւել խորացնելու անհրաժեշտութիւնը:
Յատկապէս շեշտադրումը կատարուել է մասնաւոր սեկտորի հետ համատեղ
ծրագրերի իրականացման եւ ուղղակի ներդրումային ծրագրերին
մասնակցութեան վրայ: