ԱՄՆ եւրոպական հրամանատարութիւնը պատրաստ է շարունակել համագործակցութիւնը Հայաստանի հետ
17-12-2010 15:34:00 | Հայաստան | Քաղաքական
ԵՐԵՎԱՆ, 17 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Հայաստանի պաշտպանութեան նախարար Սեյրան Օհանյանը դեկտեմբերի 17-ին ընդունել է ԱՄՆ եւրոպական հրամանատարութեան ռազմավարական պլանաւորման վարչութեան պետի տեղակալ, դեր ծովակալ Մարկ Մոնտգոմերիի գլխաւորած պատուիրակութեանը: Ըստ ՀՀ Պաշտպանութեան նախարարութեան Մամուլի ծառայութեան հաղորդագրութեան, հանդիպմանը մասնակցում էր նաեւ Հայաստանում ԱՄՆ արտակարգ եւ լիազօր դեսպան Մարի Յովանովիչը:
Կարեւորելով պաշտպանութեան ռազմավարական վերանայման, ռազմական կրթութեան, խաղաղապահութեան, ականազերծման եւ պաշտպանութեան այլ ոլորտներում հայ-ամերիկեան համագործակցութիւնը, Ս.Օհանյանը նշել է, որ այն ՀՀ Պաշտպանութեան նախարարութեան միջազգային ռազմական համագործակցութեան կարեւոր ուղղութիւններից է:
Բարձր գնահատելով միջազգային խաղաղապահ առաքելութիւններին Հայաստանի մասնակցութիւնը եւ ԱՄՆ-ի հետ արդիւնաւէտ համագործակցութիւնը, դեր ծովակալ Մարկ Մոնտգոմերին նշել է, որ ԱՄՆ եւրոպական հրամանատարութիւնը պատրաստ է շարունակել համագործակցութիւնը եւ ընդլայնել նրա շրջանակները:
ԴԱՍ. ՀԱՅԵՐԵՆ 
Հայերեն
Русский
English
French