ՀԲ--ի եւ Հայաստանի սոցիալական ներդրումների հիմնադրամի համատեղ ծրագրերն իրականացուել են յաջողութեամբ
04-05-2011 18:27:53 | Հայաստան | Տնտեսութիւն
ՀՀ փոխվարչապետ, տարածքային կառավարման նախարար Արմէն Գէորգեանը մայիսի 4-ին ընդունեց Հայաստանի սոցիալական ներդրումների ծրագրի Համաշխարհային բանկի թիմի ղեկավար Իւան Դրաբեկին` ՀԲ երեւանեան գրասենեակի պատասխանատուների ուղեկցութեամբ: Հանդիպմանը մասնակցում էր նաեւ Հայաստանի սոցիալական ներդրումների հիմնադրամի (ՀՍՆՀ) գործադիր տնօրէն Աշոտ Կիրակոսեանը:
Հանդիպմանը քննարկուեցին Սոցիալական ներդրումների հիմնադրամի երրորդ ծրագրի երրորդ լրացուցիչ ֆինանսաւորման հետ կապուած հարցեր: Երկուստէք նշուեց, որ Հբ-ի եւ Հայաստանի սոցիալական ներդրումների հիմնադրամի համատեղ ծրագրերն իրականացուել են յաջողութեամբ եւ նպաստել մարզերում սոցիալական ենթակառուցուածքների վերականգնմանն ու զարգացմանը: Երրորդ ծրագիրն աւարտւում է այս տարի, եւ կողմերը, կարեւորելով դրա շարունակականութեան ապահովումը, քննարկեցին Հսնհ-համաշխարհային բանկ գործակցութեամբ յետագայ ծրագրերի իրականացման հնարաւորութիւնները:
Նշուեց, որ ՀՀ կառավարութեան կողմից ծրագիրը շարունակելու վերաբերեալ համապատասխան յայտ արդէն ներկայացուել է Հբ-ին, եւ ներկայումս քննարկւում են ֆինանսաւորման մեխանիզմները:
Պայմանաւորուածութիւն ձեռք բերուեց, որ ՀԲ պատասխանատուների հետ առաջիկայ քննարկումների ժամանակ այդ մեխանիզմները կը յստակեցուեն: