Այդ Տարածքի Վրայ »Պուրկէր Քինկ« Պիտի Կառուցուի Մարմարա Ամերիկայի արեւելեան ափի Հէվէնվիլ քաղաքի հայերը կը փափաքին վաճառել տեղւոյն հայկական եկեղեցին եւ գնորդը կ’ուզէ եկեղեցւոյ տարածքի վրայ »Պուրկէր քինկ« կառուցանել։ Յատկանշական է որ յուշարձաններու պահպանութեան քաղաքային յանձնաժողովը կը ցանկայ պահպանել եկեղեցին։ Ըստ յանձնաժողովի ներկայացուցիչներուն, մեծ սխալ պիտի ըլլայ վաճառել 163ամեայ եկեղեցին, յատկապէս եթէ այդ վայրի մէջ սնունդի կեդրոն մը պիտի կառուցուի։ Ս. Գրիգոր Լուսաւորիչ եկեղեցւոյ փոխարէն ճաշարան կառուցանելը չափազանց մեծ անհեթեթութիւն է, ըստ յանձնաժողովին, քանի որ եկեղեցւոյ քանդումը պիտի փոխէ քաղաքի դիմագիծը։ »Ասոշիէյթըտ Փրէս« կը գրէ որ եկեղեցւոյ սպասաւորները կ’ըսեն թէ հին շէնքը վերանորոգելու համար 1.5 միլիոն տոլարի պէտք կայ եւ անոնք ստիպողաբար կը վաճառեն եկեղեցին, աւարտելու համար նոր եկեղեցւոյ շինութիւնը։ Եկեղեցւոյ Ծխական խորհուրդի նախագահ Սքոթ Սահակեան ըսաւ որ վաճառքը խոչընդոտելու փորձերը կրօնական եւ էթնիք հետապնդումներ են։

---