ՎԱՇԻՆԳՏՈՆ, 26 ԱՊՐԻԼԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: ԱՄՆ-ի
Ներկայացուցիչների պալատում ապրիլի 24-ի նախօրյակի միջոցառում է
կազմակերպուել, որի ժամանակ Ներկայացուցիչների պալատի նախագահ Նենսի
Փելոսին եւ այլ քաղաքագետներ ելոյթ են ունեցել եւ հարցրել, թէ
որքա՞ն պէտք է սպասել, մինչեւ ԱՄՆ-ը ճանաչի Հայոց
Ցեղասպանութիւնը: Նենսի Փելոսին իր ելոյթը սկսել է «այսօր բոլորս
էլ հայ ենք» բառերով: Այս մասին տեղեկացնում է «Մարմարան»:
Ժողովին մասնակցել են 200 ամերիկահայ հրավիրյալներ, ինչպէս
նաեւ Ներկայացուցիչների պալատի մեծամասնութեան ղեկավար Սթենի
Հոյերը, կոնգրեսականներ Ֆրանկ Փալոնը, Բրեդ Շերմանը, Ադամ Շիֆը:
Ներկայ է եղել նաեւ ներկայացուցիչների պալատի արտաքին
յարաբերութիւնների կոմիտէի նախագահ Հովարդ Բերմանը, որը հայկական
բանաձեւի վաւերացման կողմնակիցներից է:
Փելոսին ասել է, որ Կոնգրեսը պէտք է ճանաչի հայկական
բանաձեւը. «Արդէն ձանձրացել ենք պատմություններ լսելուց այն մասին,
թէ ինչու այս բանաձեւը չպէտք է վաւերացուի, բայց չենք ձանձրացել
ճշմարտութիւնը երեւան հանելու համար պայքար մղելուց»: Բայց նա չի
նշել, թէ այս բանաձեւը օրակարգի բերուելու է, թէ` ոչ:
Փելոսին իր խօսքն աւարտել է հետեւեալ խօսքերով. «Մենք հանգիստ
չունենք, քանի դեռ չենք ընդունել հայկական ցեղասպանութիւնը»: