Պատկերապատման Զարգացման Միութեան նախաձեռնութեամբ մայիսի 6-8-ին Երեւանում կ'անցկացուի «Պատկերապատման Հրավառութիւն» միջոցառումը
02-05-2011 18:40:40 | Հայաստան | Մշակոյթ
2007թ.-ին Ֆրանսիայի Անգուլեմ քաղաքում ստեղծուեց Հայաստանում Պատկերապատման Զարգացման Միութիւնը (ՀՊԶՄ), որի նպատակն է խթանել Հայաստանում պատկերապատման արուեստի զարգացմանը, որն ամբողջ աշխարհում ունի իր ուրոյն տեղը եւ կոչւում է իններորդ արուեստ: Հայաստանում այս արուեստը նոր է վերելք ապրում, սակայն արդէն գոյութիւն ունեն ամսագրեր, որտեղ տպագրւում են պատկերապատումներ:
Գործունէութեան չորս տարիների ընթացքում Հպզմ-ի կողմից կազմակերպուել են երկու միջազգային փառատօններ եւ մէկ պատկերապատման վարպետութեան դասընթաց, որին մասնկացել են տասնմէկ նկարիչ: Դասընթացների ընթացքում իւրաքանչիւր մասնակից ստեղծել է պատկերապատում, որը ցուցադրուել է Հայաստանի Նկարիչների Միութիւնում եւ Նարեկացի Արուեստի Միութիւնում: Փառատօնների շրջանակներում կայացել է պատկերապատման մրցոյթ, որին մասնակցել են 50-ից աւել նկարիչներ: Խնկօ Ապոր անուան մանկական գրադարանին նուիրաբերուել է հազարից աւել պատկերապատման գրքեր:
Այս տարի Հպզմ-ն նախատեսում է կազմակերպել ,պատկերապատման հրավառութիւնէ խորագրով միջոցառումը, որի ծրագրով նախատեսուած են`
- Պատկերապատման վարպետութեան դասընթաց
/Ապրիլ - Հոկտեմբեր/ Հայաստանում Ֆրանսիական համալսարան հիմնադրամում
- Ցուցահանդէսներ Երեւանի Պետական Կամերային թատրոնում /մայիսի 6,7,8/
(Պաշտօնական բացում մայիսի 6, ժամը 11:00-ին)
Նարեկացի Արուեստի Միութիւնում /մայիսի 1-10/
(Պաշտօնական բացում մայիսի 3-ին, ժամը 16:00ին)
Մանկական ցուցահանդէս Խնկօ Ապոր անուան մանկական ազգային գրադարանում (Պաշտօնական բացում մայիսի 4-ին, ժամը 15:00-ին)
Պատկերապատում կաւիճներով /Մ.Սարեանի արձանին յարակից պուրակում /մայիսի 6, 17:00/
Պատկերապատման հիման վրայ նկարահանուած Լիւկ Բեսոնի ֆիլմի ցուցադրութիւն ,ադելի արկածներըէ
/Կինօ Մոսկուա, մայիսի 6, 17:00 ֆրանսերէն լեզուով, 19:00 հայերէն լեզուով/
,ադելի արկածներըէ պատկերապատման ցուցահանդէս
/Կինօ Մոսկուա, մայիսի 6/։