Թուրքիայի ԱԳՆ ղեկավար. «Անկարան կոչ է անում Հայաստանին
բանակցութիւնները վարել երես առ երես»
05-03-2010 13:31:00 | | Քաղաքական
ԱՆԿԱՐԱ, 5 ՄԱՐՏԻ, ՆՈՅԵԱՆ ՏԱՊԱՆ-ՀԱՅԵՐՆ ԱՅՍՕՐ: Հայաստանի հետ
արձանագրութիւնները ստորագրելով` Թուրքիան ձգտում էր ապագայ
սերունդներին թողնել խաղաղութիւն եւ կայունութիւն ժողովուրդների
միջեւ, սակայն այս բանաձեւի ընդունումը ԱՄՆ-ի Կոնգրեսի
յանձնաժողովում ցոյց է տալիս, որ Երեւանն այս հարցում բացէիբաց չի
գործում,- ասել է Թուրքիայի արտաքին գործերի նախարար Ա.
Դավութօղլուն:
Թուրքիայի ԱԳՆ ղեկավարը սխալական է համարում այն կարծիքը, թէ
բանաձեւի ընդունումը կարող է ճնշում գործադրել Անկարայի վրայ
հայ-թուրքական արձանագրութիւնների վաւերացման հարցում:
«Այն, ինչ Թուրքիան ձեռնարկեց այդ հարցում տասն օրում,
Հայաստանը արեց դա չորս ամսում»,- ասել է Ա. Դավութօղլուն:
Երրորդ կողմի` տուեալ դէպքում ԱՄՆ-ի, միջամտութիւնը Հայաստանի
եւ Թուրքիայի յարաբերութիւններին, ըստ ԱԳՆ ղեկավարի, բարդացնում է
հաշտութեան գործընթացը երկրների միջեւ:
«Հայոց ցեղասպանութիւնը ճանաչող բանաձեւի ընդունումը վկայում
է, որ Կոնգրեսը շատ թոյլ է ապագայ քաղաքական ռազմավարութեան
մշակման գործում»,- ասել է թուրք նախարարը: