Մոսկուայում լոյս է տեսել «Համշեն» հանդէսի առաջին համարը
15-10-2009 18:10:00 | Ռուսաստան | Հասարակութիւն
ՄՈՍԿՈՒԱ, 15 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Վերջերս
Մոսկուայում լոյս է տեսել համշենահայերի «Համշեն» հանդէսի առաջին
համարը: Պարբերականը պատրաստել եւ հրատարակել է Մոսկուայում գործող
Համշենահայերի ընկերակցությունը:
Ինչպէս հաղորդում է Ռուսաստանի հայերի «Երկրամաս» թերթը,
հանդէսի առաջին համարը բացւում է խմբագրական յօդուածով եւ Աբխազիայի
Հանրապետութեան հայ հոգեւոր հովիւ Տարոն աւագ քհն. Գուլիկյանի եւ
Թմրամոլության եւ թմրաբիզնեսի դէմ պայքարի միջազգային
ընկերակցութեան փոխնախագահ Յակոբ Մաթոսյանի ողջոյնի խօսքերով:
Համարում կարելի է ընթերցել ընթացիկ նորութիւններ եւ
տեղեկութիւններ Համշենահայերի ընկերակցութեան գործունէութեան
մասին, ծանօթանալ Համշենի վերաբերեալ պատմական նիւթերի, իմանալ
Աբխազիայի հայութեան կեանքի մասին եւ այլն:
Ինչպէս յայտնել է պարբերականի գլխաւոր խմբագիր Վիկտորյա
Կեշաբյանը, «Համշեն» հանդէսի առաջին համարը անվճար է տարածւում մի
շարք հայ ձեռներեցների աջակցութեան շնորհիւ, գրում է թերթը: